جموجۆڵى بازرگانى له مهرزى حاجى ئۆمهران بهڕێژهی 25% كهمى كردووه
رووداونێت-حاجى ئۆمهران
بهرپرسى پهیوهندییهكانى كۆمهڵگهى گومرگى حاجى ئۆمهران ئاشكرای كرد بههۆى هاتنى كهرهسته و ئامێرى بیناسازى و كارهبا له وڵاتانى دیكه بهتایبهتى ئهڵمانیا و توركیا هاوردهكردنى كاڵا و شمهكى ئێرانی كهمى كردووه.
دهرسیم تهحسین بهرپرسى پهیوهندییهكانى كۆمهڵگهى گومرگى حاجى ئۆمهران به(رووداونێت)ى راگهیاند "ساڵى رابردوو رۆژانه 250 بارههڵگر كاڵا و شمهكیان له خاڵى سنوورى حاجى ئۆمهرانهوه هاوردهى ههرێمى كوردستان دهكرد، بهڵام ئێستا ئهو ژمارهیه بۆ 150-200 بارههڵگر دابهزیوه، ئهمهش بههۆى هاتنى كهرهسته و ئامێرى بیناسازى و كارهبایی له وڵاتانى دیكه بهتایبهتى ئهڵمانیا و توركیا".
گوتیشى "ئهو كهرهستانهى له وڵاتى ئهڵمانیا و توركیا هاوردهى ههرێمى كوردستان دهكرێن جۆر و پێكهاتهیان زۆر باشتره له هى ئێران".
ههروهها ئاماژهشى بهوهدا كه رۆژانه كۆمپانیاكانى بیانى پێشانگهى تایبهت بهبیناسازى له ههولێر و سلێمانى دهكهنهوه، لهو چوارچێوهیهشدا كۆمپانیا و بازرگانانى ناوهخۆى ههرێم پرۆتۆكۆڵى تازه واژۆ دهكهن و زیاتر گرنگى بهكهرهسته و كهلوپهلى وڵاتى ئهڵمانیا و توركیا دهدهن نهوهك وڵاتى ئێران.
مهرزى نێودهوڵهتى حاجى ئۆمهران له ناوهڕاستى مانگى نیسانى 2008 بهڕهسمى لهنێوان ههرێمى كوردستان و كۆمارى ئیسلامى ئێران ناسێندرا، رۆژانه چهندین بارههڵگر كهلوپهل دێننه ههرێمى كوردستان كه بریتین له پێداویستى بیناسازى، ئاسن، پۆشاك و كهرهستهى پلاستیك و خواردهمهنى.
ناردنی ههواڵ به ئیمێل
چاپكردنی ههواڵ
تهنها به تێکست
بۆچوونی خۆت بنووسه