"به‌حرێن ده‌بێته‌ پارێزگایه‌ک له‌ سعودیه‌"

 رووداو-ئاژانسه‌كان
حه‌مید بن خه‌لیفه‌، شای به‌حرێن ‌ رازی بووه‌ به‌وه‌ى كه‌ وڵاته‌كه‌ى له‌ چوارچێوه‌ی کۆنفێدراسیۆنێكدا ببه‌سترێته‌وه‌ به‌‌ عه‌ره‌بستانی سعودیه‌.
ئاژانسه‌كانى هه‌واڵ بڵاویان كرده‌وه‌، له‌ چوارچێوه‌ی فێستیڤاڵی کلتووری جێنادریه‌دا شا عه‌بولڵای سعودیه‌ و شا حه‌مید بن خه‌لیفه‌ی به‌حرێن په‌سه‌ندیان کردووه‌ که‌ به‌حرێن ببێت به‌ هه‌رێمێکی فیدراڵی سعودیه‌.
نه‌جیب ئه‌لئه‌حمه‌ر، به‌ڕێوه‌به‌ری گشتی رۆژنامه‌ی اللایام که‌ به‌ رۆژنامه‌یه‌کی فه‌رمی ده‌سه‌ڵاتی به‌حرێن ده‌زانرێن، ئه‌م هه‌واڵه‌ی پشتڕاستکردووه‌ته‌وه‌ و رایگه‌یاندووه‌‌ که‌ ئه‌و بابه‌ته‌ به‌ جاڕنامه‌یه‌ک له ‌لایه‌ن شای به‌حرێنه‌وه‌ راده‌گه‌یه‌نرێت.
برای نه‌جیب ئه‌لئه‌حمه‌ڕ راوێژکاری شای به‌حرێنه‌ و گوتوویه‌تى‌ له‌ سعودیه‌ به‌ستنه‌وه‌ی به‌حرێن به‌ سعودیه‌وه‌ مۆر کراوه‌.